පුනර්ජීවනය සහ මේ දවස්වල

මහ ලොකුවට සිංහ‍ලෙන් ලියනව කියල ‍පටන් ගත්තට මොකද මේ ලියන්නෙ ගොඩ කාලෙකට පස්සෙ. අන්තිම සටහන ලියල දැන් අවුරුද්දකටත් කිට්ටුයි. ;) ටික දවසක ‍ඉඳල අලුත් සටහනක් ලියන්න හිතාගෙන හිටියට එක එක වැඩ නිසා ලියන එක කල් යනව. ලොකුම හේතුව තමයි මට තවම සිංහල ලියන්න ගොඩක් ‍වෙලා යන එක. අමාරුවෙන් අකුරු හොයාගෙන ලියනකොට ලියන්න යන එකත් අමතක වෙනව. ;)

ඔහොම ඉන්න කොට මේ ළඟදි නේවි පරන සටහනක comment එකක් දාලා තිබ්බ අලුත් සටහනක් ලියන්න කාලෙ හරි කියල. කොහොමහරි ඒක දැක්කම තමයි හිතු‍නෙ වැ‍ඩේ ඉක්මන් කරන්න. හිතමු මේක සටහනේ පුනර්ජීවනය කියල.

මේ දවස්වල හොඳටම වැඩ වැඩියි. අධ්‍යාපන කටයුතු බහුල කාලයක් ;). හැමදාම වගේ එක්කො coursework එකක් නැත්නමි final year project එකේ වැඩක්. final year project එක ගැන නම් දැන්ම වැඩි දෙයක් කියන්න අමාරුයි‍. මම කරන්නෙ Human Computer Interaction  වලට සමිබන්ධ වැඩක්. තවම 100% සාර්ථකත් නෑ 100% අසාර්ථකත් නෑ. ;) ඒක ගැන දැනට ඔය ඇති.

ලඟදි වෙච්ච හොඳම වැ‍ඩේ තමයි IIT Stage Craft එකට සෙට් වෙන්න ලැබිච්ච එක. මම දන්න විදිහට නම් ඒකත් එක්තරා විවිධ ප්‍රසංගයක්. ;) කොහොමහරි  මෙදා පාර සිංහල skit එකේ පොඩි පාට් එකක් කරන්න පුලුවන් වුනා. වේදිකාවකට ගොඩවීමේ උන ඉස්සර ඉඳලම තියන නිසා ගොඩක් කැමැත්තෙන් තමයි ඒක කලේ. :)

ඉතින් ඔන්න ඔහොමයි 'පුනර්ජීවනය සහ මේ දවස්වල' ඉවර වෙන්නෙ.

අවුරුදු

අද නම් හරිම අපූරු දවසක්. කො‍ටින්ම කිව්වොත් ‍එල දවසක්. තාම ඉතින් අවුරුදුනෙ, අපේ නැන්දල මාමල කටිටියක්ම ආවා. හරිම ජොලි සෙට් එක. ඔක්කොම එකතු වෙලා පොඩි අවුරුදු උත්සවයක් තිබ්බ.
බනිස් කෑවා, අලියට ඇස් දෙක තුනක් තිබ්බා, කොහොමහරි මුට්ටි හොයාගන්න බැරුව කිරි හට්ටි වලින් කනා හට්ටි ගැහුවා. ;)

[ මේක ටිකක් පරණ ලිපියක්. Drafts ගොඩේ තිබිල අද - 28 - ජුනි - 2008 - තමයි පල කලේ. ]

ඔන්න මාත් පටන් ගත්තා

ඔන්න මාත් කොහොමහරි සිංහල වියුණුවක් ලියන්න පටන් ගත්තා. :) සිංහලෙන් ලියන්න ලොකු ඕනකමක් තිබුනට වැඩේ පටන් ගන්න නම් ටිකක් කල් ගියා. Bud, Chanux, SeeJay, ලියන සිංහලෙන් FOSS දැක්කම තමයි වැඩේ ඉක්මන් කරන්න හිතුනෙ. අහ්.. ඇයි මලින්ත වත් මතක් කරන්නම ඕන. කොහොමහරි අද සි‍ට "Sound of Code - සටහන" නමින් මාත් ඔය මොන මොනවහරි සිංහල යුනිකේත වලින් ලියන්නයි බලාපොරොත්තුව. සිංහලෙන් ලියන ඵක නම් මට තවම අලුත් දෙයක්. තවම විජේසේකර යතුරු පුවරුව හුරු මදි. ඒනිසා සමහර අකුරු හොයා ගන්න පැයක් දෙකක් යනවා. :) ටික දවසකින් හරි යයි, බලමුකො... වැරදි ඇත්නමි කියන්න. එහෙනම් හැමෝටම ආයුබෝවන් ! ..